Kodea GitHuben

Gainditu hizkuntzaren hesia Mitzulirekin

Androiderako itzultzaile libre, erabilerraz eta ahaltsua


Screenshots

Deskargatu Google Play-tik


Itzuli modu naturalean



Ahots bidezko sarrera

Teklatua erabiltzen aspertuta? Hitz egin telefonoari eta Mitzulik esaten duzuna itzuliko du!

Kamera bidezko sarrera

Kartel bat, menu bat edo egunkari bat itzuli nahi? Atera argazki bat eta Mitzulik egingo du gainerakoa!

Ahots bidezko irteera

Ez dakizu nola ahoskatu erdarazko testu hori? Lasai, Mitzulik hitz egingo du zure ordez!



Zuretzat, guztiontzat





Hizkuntza guztiek mundu honetan euren lekua merezi dutela sinesten dugu, eta baliabide gutxien dituztenetan jarri dugu arreta horregatik, izaera komertzialeko produktuek albo batera utzi ohi dituzte eta. Horrela, Mitzulik afrikaansa, aragoiera, asturiera, daniera, errumaniera, esperantoa, euskara, frantsesa, galiziera, gaztelania, hindia, indonesiera, ingelesa, italiera, katalana, kroaziera, malaysiera, nederlandera, okzitaniera, portugesa, suediera eta urduarekin egiten du lan, eta gehiago ere bidean dira!


Badakigu itzulpen automatikoa oso ondo etortzen dela atzerrian zaudenean. Roaming tarifak, ordea, ez. Zorionez, hori ez da arazo bat Mitzulirentzat, Interneterako konexiorik gabe ere lan egiteko gai da eta. Beste itzultzaile batzuek ez bezala, gainera, bere offlineko moduak onlineko moduaren kalitate berbera eskaintzen du, eta kamera bidezko sarrera bezalako ezaugarri aurreratuak ere eskuragarri daude.


Doakoa izateaz gain, Mitzuli software librea ere bada. Garatzaileentzat, Mitzuliren tripak edonoren eskura daudela esan nahi du horrek, nork bere beharretara egokitu, hobekuntzak egin eta aldaketa horiek guztiak modu askean partekatzeko aukera ematen duena. Zuretzat, gutaz fida zaitezkeela esan nahi du horrek: egiten dugunaren inguruan erabat irekiak gara, eta ez dugu sekula zure pribatutasuna urratuko, ez eta zure datuekin negozioa egingo ere.




Erraldoien bizkarrean



Badakigu Mitzuli aparta dela, baina hori ez da gure meritua soilik. Are gehiago, Mitzuli bereziki aipagarria egiten duena da beste proiektu zoragarri batzuetan oinarritzen dela bere funtsezko funtzionalitatea eskaintzeko. Teknologia harrigarri hau guztion eskura jarri dute haiek, eta guk aplikazio xume batean bildu dugu zuganaino irits dadin. Gehiago jakin nahi? Hauek dira atal honetan falta ezin ziren proiektuak:
  • Apertium erregeletan oinarrituriko itzultzaile automatiko libre bat da, itzaleko transferentziaren hurbilpena jarraitzen duena. Mitzuli plataforma horretan oinarritzen da hizkuntza bikote guztien itzulpenak eskaintzeko, gaztelania → euskara eta ingelesa ↔ kroaziera bikoteetan izan ezik.
  • Matxin erregeletan oinarrituriko itzultzaile automatiko libre bat da, transferentzia sakonaren hurbilpena jarraitzen duena. Elhuyarrekiko lankidetzari esker, gaztelania → euskara bikoteko itzulpenak eskaintzen ditu onlineko zerbitzu modura.
  • Abu-MaTran europar proiektu bat da, industriaren eta unibertsitatearen arteko lankidetza hobetzea bilatzen duena Europako erronka handienetariko bati aurre egiteko: eleaniztasuna. Dublin City Unibertsitateko CNGL taldeko ikerlariekin izandako lankidetzari esker, ingelesa ↔ kroaziera bikoteko itzulpenak eskaintzen ditu onlineko zerbitzu modura.
  • Tesseract iturburu irekiko OCR plataforma zehatzena da, eta baita Mitzulik erabiltzen duena ere. HP Labsen garatu zen 1985 eta 1995 artean, eta gaur egun Googlek hartu du bere garapenaren ardura.
  • OpenCV eta Leptonica irudiak prozesatzeko liburutegi libreak dira, Mitzuliren OCR aurreprozesaketa propioa inplementatzeko erabili direnak.

Honi buruz

Mikel Artetxe naiz, Mitzuliren garatzailea. Hizkuntzaren Prozesamendua masterreko ikaslea naiz Euskal Herriko Unibertsitatean eta, aldi berean, IXA taldean lanean ari naiz itzulpen automatikoaren arloan.

Mitzuli nire proiektu pertsonal modura jaio bazen ere, orain Elhuyarren babesa dauka, zeinak zientzia eta teknologiaren gizarteratzean eta euskararen garapenean irabazi-asmorik gabe egiten baitu lan.

Kontaktua

Eusko Jaurlaritzak 2014ko IKT deialdian diruz lagundutako proiektua